Narxlar mashina turiga qarab har xil bo'lsa-chi?
Narx ro'yxatini mashina toifasi bo'yicha kiritamiz: yengil, krossover, jip, mikroavtobus. Moykachi faqat xizmat nomini yozadi, narx o'zi qo'yiladi.
Har bir moykachining telefoni bo'lishi shartmi?
Yo'q. Mashinalarni administrator yoki katta moykachi yozsa ham bo'ladi — chekda qaysi moykachi yuvgani ko'rsatiladi.
Moykachilar foizi har xil bo'lsa?
Har bir moykachiga o'z foizini belgilaysiz. Kechki xulosada har birining ulushi alohida chiqadi.
Bu soliq kassasimi? Ma'lumotlarimiz kimga boradi?
Yo'q. Servisbek — ichki boshqaruv hisobi. U soliq yoki boshqa davlat tizimlariga ulanmagan va soliq kassasining o'rnini bosmaydi. Ma'lumotlar Sizniki: istalgan vaqtda Excel'ga yuklab olasiz, so'rovingiz bilan o'chiriladi. Har bir biznesning bazasi alohida — boshqalar Sizning ma'lumotingizni ko'rmaydi.
Kompyuter yoki kassa apparati kerakmi?
Yo'q. Siz va xodimlaringiz oddiy smartfondan (iPhone yoki Android) Telegram orqali ishlaysiz. Xohlasangiz, boshqaruv panelini kompyuterda ham ochasiz.
Ruscha yoki aralash gapirsa tushunadimi?
O'zbekcha, ruscha va aralash nutqni tushunadi. Shovqinda biror raqam noto'g'ri eshitilsa, chek avval qoralama bo'lib chiqadi — xodim tuzatib, keyin tasdiqlaydi.
Kim sozlaydi va xodimlarni o'rgatadi?
Sozlashni o'zimiz bepul qilamiz: Telegram guruhini ulaymiz, xodimlar va ularning ulushini, narx va qoldiqlarni kiritamiz, daftardagi ochiq nasiyalarni o'tkazamiz. Birinchi kuni xodimlarga ko'rsatamiz.
Bepul sinov qanday o'tadi?
14 kun — birinchi haqiqiy chekdan boshlab — tizim to'liq ishlaydi. Birinchi va 14-kuni qoldiqni birga sanaymiz: kamomad bor-yo'qligini o'zingiz ko'rasiz. Yoqsa — tarif tanlaysiz. Yoqmasa — hech narsa to'lamaysiz, ma'lumotlaringizni Excel'da olib qolasiz. Oylik to'lov, istalgan vaqtda to'xtatishingiz mumkin.
